"appamattakaṃ kho panetaṃ bhikkhave"ti desanā āraddhā.

Tattha appamattakanti parittassa nāmaṃ. Oramattakanti tasseva vevacanaṃ. Mattāti vuccati pamāṇaṃ. Appamattā etassāti appamattakaṃ. Oramattā etassāti oramattakaṃ. Sīlameva sīlamattakaṃ. Idaṃ vuttaṃ hoti:- appamattakaṃ kho panetaṃ bhikkhave oramattakaṃ sīlamattakaṃ nāma, yena "tathāgatassa vaṇṇaṃ vadāmī"ti ussāhaṃ katvāpi vaṇṇaṃ vadamāno puthujjano vadeyyāti. Tattha siyā, nanu idaṃ sīlaṃ nāma yogino aggavibhūsanaṃ. Yathāhu porāṇā:-

"sīlaṃ yogissalaṅkāro sīlaṃ yogissa maṇḍanaṃ