Tañcassa gamanaṃ tathaṃ ahosi avitathaṃ anekesaṃ visesādhigamānaṃ pubbanimittabhāvena. Yaṃ hi so sampatijātova samehi pādehi patiṭṭhahi, idamassa caturiddhipādapaṭilābhassa pubbanimittaṃ.

Uttarābhimukhabhāvo pana sabbalokuttarabhāvassa pubbanimittaṃ.

Sattapadavītihāro sattabojjhaṅgaratanapaṭilābhassa.

"suvaṇṇadaṇḍā vītipatanti cāmarā"ti ettha vuttacāmarukkhepo pana sabbatitthiyanimmathanassa.