@brāhṇasutta. (syā) 5 cha.Ma. daḷhīkammatthena 6 cha.Ma. āṇattiatthena evamuparipi

@7 cha.Ma., i. ayaṃ pāṭho na dissati. 8 saṃ. sa. 15/214/229 sāriputtasutta

Evaṃ vutte ussāhajāto hutvā "evaṃ bhante"ti kho rājā māgadho ajātasattu vedehīputto bhagavato paccassosi bhagavato vacanaṃ sampaṭicchi, paṭiggahesīti vuttaṃ hoti.

[190] Athassa bhagavā etadavoca etaṃ avoca, idāni vattabbaṃ "idha mahārājā"ti ādiṃ sakalaṃ suttaṃ avocāti attho. Tattha idhāti desāpadese nipāto, svāyaṃ katthaci lokaṃ upādāya vuccati. Yathāha "idha tathāgato loke uppajjatī"ti. Katthaci sāsanaṃ. Yathāha "idheva bhikkhave paṭhamo samaṇo, idha dutiyo samaṇo"ti. Katthaci okāsaṃ. Yathāha