Tadanantaraṃ mahāvaggaṃ, tadanantaraṃ pāṭikavagganti evaṃ tivaggasaṅgahaṃ catuttiṃsasuttapaṭimaṇḍitaṃ catusaṭṭhibhāṇavāraparimāṇaṃ tantiṃ saṅgāyitvā "ayaṃ dīghanikāyo nāmā"ti vatvā āyasmantaṃ ānandaṃ paṭicchāpesuṃ "āvuso imaṃ tuyhaṃ nissitake vācehī"ti.

Tato anantaraṃ asītibhāṇavāraparimāṇaṃ majjhimanikāyaṃ saṅgāyitvā dhammasenāpatisārīputtattherassa nissitake paṭicchāpesuṃ "imaṃ tumhe pariharathā"ti.

Tato anantaraṃ satabhāṇavāraparimāṇaṃ saṃyuttanikāyaṃ saṅgāyitvā mahā- kassapattheraṃ paṭicchāpesuṃ "bhante imaṃ tumhākaṃ nissitake vācethā"ti. Tato anantaraṃ vīsatibhāṇavārasataparimāṇaṃ aṅguttaranikāyaṃ saṅgāyitvā anuruddhattheraṃ paṭicchāpesuṃ "imaṃ tumhākaṃ nissitake vācethā"ti.

Tato anantaraṃ