[265] Aparaddhunti aparajjhiṃsu. Ekamidāhanti ettha idāti nipātamattaṃ. Ekamahanti attho. Santhāgāranti rajjaanusāsanasālā. Sakyāti

@4 cha.Ma. upalavanti 5 cha.Ma. bhassā 6 i. sundare kāre

@7 i. apacāyanakammaṃ 8 cha.Ma., i. idanti 9 cha.Ma. sandhāgāraṃ Abhisittarājāno. Sakyakumārāti anabhisittā. Uccesūti yathānurūpesu pallaṅkapīṭhakavettāsanaphalakacittattharaṇādibhedesu. Sañjagghantāti upphaṇḍanavasena mahāhasitaṃ hasantā. Saṃkīḷantāti sitamattakaraṇaaṅgulisaṅghaṭṭanapāṇippahāradānādīni karontā. Mamaññeva maññeti evamahaṃ maññāmi mamaññeva anuhasanti, na aññanti.