[288] Tathārūpanti tathaṃrūpaṃ. Kimettha aññena vattabbaṃ, vuttametaṃ nāgasenatthereneva milindaraññā puṭṭhena:- dukkaraṃ bhante nāgasena bhagavatā katanti. Kiṃ mahārājāti. Mahājanena hirikaraṇokāsaṃ brahmāyubrāhmaṇassa ca, antevāsīuttarassa ca, bāvarissa antevāsīnaṃ soḷasabrāhmaṇānaṃ ca, selassa brāhmaṇassa ca, antevāsīnaṃ tisatamāṇavānaṃ ca dassesi bhanteti. Na mahārāja bhagavā guyhaṃ dassesi chāyaṃ bhagavā dassesi. Iddhiyā abhisaṃkharitvā nivāsananivatthaṃ kāyabandhanabaddhaṃ cīvarapārutaṃ chāyārūpakamattaṃ dassesi mahārājāti. Chāyaṃ diṭṭhe sati diṭṭhaṃyeva nanu bhanteti. Tiṭṭhatetaṃ mahārāja, hadayarūpaṃ disvā bujjhanakasatto

@ milinda. 228 4 ka.,Ma. antevāsīnaṃ uttarassa, Ma.Ma. 13/384/366

@5 khu.su. 25/1027-1028/530 suttanipāta khu.cūḷa. 30/47/6(sayā.) 6 Ma.Ma. 13/398/382 Bhaveyya, dahayamaṃsaṃ nīraharitvā dasseyya sammāsambuddhoti. Kallosi bhante nāgasenāti.