@3 cha.Ma. brahmaloko 4 cha.Ma. ayaṃ pāṭho na dissati

Tattha yato candimasuriyā uggacchantīti yasmiṃ kāle uggacchanti. Yattha ca ogacchantīti yasmiṃ kāle atthaṅgamenti, uggamanakāle ca atthaṅgamanakāle ca passantīti attho, āyācantīti "udehi bhavaṃ canda, udehi bhavaṃ suriyā"ti evaṃ āyācanti. Thomayantīti "sommo cando, parimaṇḍalo cando, sappabho cando"ti ādīni vadantā pasaṃsantīti attho. Pañjalikāti paggahitaañjalikā. Namassamānāti "namo namo"ti vadamānā.

[531-532] Yaṃ passantīti ettha yanti nipātamattaṃ. Kiṃ pana na kirāti ettha idha pana kiṃ vattabbaṃ. Yattha kira tevijjehi brāhmaṇehi na brahmā sakkhidiṭṭhoti evamattho daṭṭhabbo.

Aciravatīnadīupamākathā