[890] Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme . tena kho pana samayena bhagavā divāvihāragato hoti paṭisallīno . atha kho sakko ca devānamindo verocano ca asurindo yena bhagavā tenupasaṅkamiṃsu upasaṅkamitvā paccekaṃ dvārabāhaṃ nissāya aṭṭhaṃsu.

[891] Atha kho verocano asurindo bhagavato santike imaṃ gāthaṃ abhāsi vāyametheva puriso yāva atthassa nippadā nipphannasobhano attho verocanavaco idanti.

[892] Vāyametheva puriso yāva atthassa nippadā nipphannasobhino atthā khantyā bhiyyo na vijjatīti.

[893] Sabbe sattā atthajātā tattha tattha yathārahaṃ saṃyogaparamātveva sambhogā sabbapāṇinaṃ nipphannasobhino atthā verocanavaco idanti.