๘. วิโรจนอสุรินทสูตร

Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme . tena kho pana samayena bhagavā divāvihāragato hoti paṭisallīno . atha kho sakko ca devānamindo verocano ca asurindo yena bhagavā tenupasaṅkamiṃsu upasaṅkamitvā paccekaṃ dvārabāhaṃ nissāya aṭṭhaṃsu.

Atha kho verocano asurindo bhagavato santike imaṃ gāthaṃ abhāsi vāyametheva puriso yāva atthassa nippadā nipphannasobhano attho verocanavaco idanti.

Vāyametheva puriso yāva atthassa nippadā nipphannasobhino atthā 3- khantyā bhiyyo na vijjatīti. @Footnote: 1 Ma. mā pajahāsi. Yu. pahāsi. 2 Yu. phusati. 3 po ... sobhaṇā. Ma. yu ... sobhano.

Sabbe sattā atthajātā tattha tattha yathārahaṃ saṃyogaparamātveva sambhogā sabbapāṇinaṃ nipphannasobhino atthā verocanavaco idanti.

Sabbe sattā atthajātā tattha tattha yathārahaṃ saṃyogaparamātveva sambhogā sabbapāṇinaṃ nipphannasobhino atthā khantyā bhiyyo na vijjatīti.