๔. อานันทสูตร

Ekaṃ samayaṃ āyasmā ānando sāvatthiyaṃ viharati jetavane anāthapiṇḍikassa ārāme . atha kho āyasmā ānando pubbaṇhasamayaṃ nivāsetvā pattacīvaramādāya sāvatthiyaṃ piṇḍāya pāvisi āyasmatā vaṅgīsena pacchāsamaṇena . tena kho pana samayena āyasmato vaṅgīsassa anabhirati uppannā hoti rāgo cittaṃ anuddhaṃseti.

Atha kho āyasmā vaṅgīso āyasmantaṃ ānandaṃ gāthāya ajjhabhāsi kāmarāgena ḍayhāmi cittaṃ me pariḍayhati sādhu nibbāpanaṃ brūhi anukampāya gotamāti. @Footnote: 1 Yu. dhammaratoti. 2 Ma. pahitattaṃ.

Saññāya vipariyesā cittante pariḍayhati nimittaṃ parivajjehi subhaṃ rāgūpasañhitaṃ saṅkhāre parato passa dukkhato mā ca attato nibbāpehi mahārāgaṃ mā ḍayhittho punappunaṃ asubhāya cittaṃ bhāvehi ekaggaṃ susamāhitaṃ sati kāyagatā tyatthu nibbidābahulo bhava animittañca bhāvehi mānānusayamujjaha tato mānābhisamayā upasanto carissasīti.