๒. อุปัฏฐานสูตร

Ekaṃ samayaṃ aññataro bhikkhu kosalesu viharati aññatarasmiṃ vanasaṇḍe . tena kho pana samayena so bhikkhu divāvihāragato supati.

Atha kho yā tasmiṃ vanasaṇḍe adhivatthā devatā tassa bhikkhuno anukampikā atthakāmā taṃ bhikkhuṃ saṃvejetukāmā yena so bhikkhu tenupasaṅkami upasaṅkamitvā taṃ bhikkhuṃ gāthāhi ajjhabhāsi uṭṭhehi bhikkhu kiṃ sopi 1- ko attho supitena te āturassa hi te 2- niddā sallaviddhassa ruppato yāya saddhāpabbajito 3- agārasmānagāriyaṃ tameva saddhaṃ brūhehi mā niddāya vasaṃ gamīti.

Aniccā addhuvā kāmā yesu mandova mucchito baddhesu muttaṃ asitaṃ kasmā pabbajitaṃ tape chandarāgassa vinayā avijjāsamatikkamā taṃ ñāṇaṃ paramodātaṃ 4- kasmā pabbajitaṃ tape @Footnote: 1 Ma. Yu. sesi. 2 Ma. Yu. kā. 3 Ma. Yu. saddhāya pabbajito. 4 Ma. parimodānaṃ. @Yu. pariyodātaṃ. Bhetvā 1- avijjaṃ vijjāya āsavānaṃ parikkhayā asokaṃ anupāyāsaṃ kasmā pabbajitaṃ tape āraddhaviriyaṃ pahitattaṃ niccaṃ daḷhaparakkamaṃ nibbānaṃ abhikaṅkhantaṃ kasmā pabbajitaṃ tapeti.