๕. เอฬกสูตร

Sāvatthiyaṃ viharati ... Dāruṇo bhikkhave lābhasakkārasiloko .pe. Adhigamāya.

Seyyathāpi bhikkhave kaṃsaḷakā 1- gūthādī gūthapūrā puṇṇā gūthassa pūrato cassa mahāgūthapuñjo sā tena aññā kaṃsaḷakā 1- atimaññeyya ahamhi gūthādī gūthapūrā puṇṇā gūthassa pūrato ca myāyaṃ mahāgūthapuñjoti . evameva kho bhikkhave idhekacco bhikkhu lābhasakkārasilokenābhibhūto pariyādinnacitto pubbaṇhasamayaṃ nivāsetvā pattacīvaramādāya gāmaṃ vā nigamaṃ vā piṇḍāya pavisati so tattha bhuttāvī ca hoti yāvadattho nimantito ca svātanāya piṇḍapātopassa 2- pūro so ārāmaṃ gantvā bhikkhugaṇassa majjheva vikattheti 3- bhuttāvī camhi yāvadattho nimantito camhi svātanāya piṇḍapāto ca myāyaṃ pūro lābhī camhi cīvarapiṇḍapātasenāsana- gilānapaccayabhesajjaparikkhārānaṃ ime pana aññe bhikkhū appapuññā appesakkhā na lābhino cīvarapiṇḍapātasenāsanagilānapaccaya- bhesajjaparikkhārānanti . so tena lābhasakkārasilokena abhibhūto pariyādinnacitto aññe pesale bhikkhū atimaññati . tañhi tassa @Footnote: 1 Ma. mīḷahakā. Yu. piḷahakā . 2 Ma. Yu. piṇḍapāto cassa . 3 Ma. vikatthati. Bhikkhave moghapurisassa hoti dīgharattaṃ ahitāya dukkhāya . evaṃ dāruṇo kho bhikkhave lābhasakkārasiloko .pe. evañhi vo bhikkhave sikkhitabbanti. Pañcamaṃ.