สมณพราหมณวรรค

Evamme sutaṃ ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme.

Tatra kho bhagavā ... ye hi keci bhikkhave samaṇā vā brāhmaṇā vā jarāmaraṇaṃ nappajānanti jarāmaraṇasamudayaṃ nappajānanti jarāmaraṇanirodhaṃ nappajānanti jarāmaraṇanirodhagāminiṃ paṭipadaṃ nappajānanti na mete bhikkhave samaṇā vā brāhmaṇā vā samaṇesu vā samaṇasammatā brāhmaṇesu vā brāhmaṇasammatā na ca pana te āyasmanto sāmaññatthaṃ vā brāhmaññatthaṃ vā diṭṭheva dhamme sayaṃ abhiññā sacchikatvā upasampajja viharanti.

Ye ca kho keci bhikkhave samaṇā vā brāhmaṇā vā jarāmaraṇaṃ pajānanti .pe. te khome bhikkhave samaṇā vā brāhmaṇā vā samaṇesu ceva samaṇasammatā brāhmaṇesu ca brāhmaṇasammatā te ca panāyasmanto sāmaññatthañca brāhmaññatthañca diṭṭheva dhamme sayaṃ abhiññā sacchikatvā upasampajja viharantīti . suttanto eko.

Evamme sutaṃ .pe. jātiṃ nappajānanti .pe. bhavaṃ nappajānanti ... upādānaṃ nappajānanti ... taṇhaṃ nappajānanti ... Vedanaṃ nappajānanti ... Phassaṃ nappajānanti ... Saḷāyatanaṃ nappajānanti ... Nāmarūpaṃ nappajānanti ... viññāṇaṃ nappajānanti ... saṅkhāre nappajānanti saṅkhārasamudayaṃ nappajānanti saṅkhāranirodhaṃ nappajānanti saṅkhāranirodhagāminiṃ paṭipadaṃ nappajānanti .pe. sayaṃ abhiññā sacchikatvā upasampajja viharantīti. Ekādasamaṃ. Samaṇabrāhmaṇavaggo aṭṭhamo. Tassa uddānaṃ paccayekādasa vuttā catusaccavibhajjanā samaṇabrāhmaṇavaggo nidānaṃ 1- bhavati aṭṭhamaṃ 2- . [3]- Vaggassa uddānaṃ buddho āhāradasabalo 4- kaḷāraṃ gahapatipañcamaṃ dukkhavaggo 5- mahāvaggo aṭṭhamaṃ samaṇabrāhmaṇanti. ------------ @Footnote: 1 Ma. Yu. nidāne . 2 Ma. aṭṭhamo . 3 Yu. ayaṃ . 4 Yu. āhāradasabalaṃ. @ 5 Yu. rukkhavaggo.