ปัญจสีลสูตร

Pañcahi anuruddha dhammehi samannāgato mātugāmo kāyassa bhedā paraṃ maraṇā sugatiṃ saggaṃ lokaṃ upapajjati . katamehi pañcahi . pāṇātipātā paṭivirato ca hoti adinnādānā paṭivirato ca hoti kāmesu micchācārā paṭivirato ca hoti musāvādā paṭivirato ca hoti surāmerayamajjapamādaṭṭhānā paṭivirato ca hoti . Imehi kho anuruddha pañcahi dhammehi samannāgato mātugāmo kāyassa bhedā paraṃ maraṇā sugatiṃ saggaṃ lokaṃ upapajjatīti. Peyyālavaggo samatto. Tassuddānaṃ dve manāpā amanāpā ca āveṇikā tīhi anuruddho 1- kodhano upanāhī ca issukī maccharena ca. Aticārī ca dussīlaṃ 2- appassuto ca kusito muṭṭhassati [3]- pañcaveraṃ kaṇhapakkhe pakāsito. Anuruddho akkodhano 4- anupanāhī anissukī amaccharī anaticārī sīlavā ca bahussuto viriyasati pañcasīlā ca 5- sukkapakkhe pakāsitoti. --------------- @Footnote: 1 Ma. mātugāmo puriso ca āveṇikā tidhammo ca . 2 Ma. Yu. dussīlo. @ 3 Yu. ca. 4 Ma. dutiye ca akkodhano. 5 Ma. vīriyaṃ satisīla ca.