๑๐. วัฑฒิสูตร

ปญฺจหิ ภิกฺขเว วฑฺฒีหิ วฑฺฒมานา อริยสาวิกา อริยาย วฑฺฒิยา วฑฺฒติ สาราทายินี จ โหติ วราทายินี จ กายสฺส ฯ กตเมหิ ปญฺจหิ ฯ สทฺธาย วฑฺฒติ สีเลน วฑฺฒติ สุเตน วฑฺฒติ จาเคน วฑฺฒติ ปญฺญาย วฑฺฒติ ฯ อิเมหิ โข ภิกฺขเว ปญฺจหิ วฑฺฒีหิ วฑฺฒมานา อริยสาวิกา อริยาย วฑฺฒิยา วฑฺฒติ สาราทายินี จ โหติ วราทายินี จ กายสฺสาติ ฯ สทฺธาย สีเลน จ ยา ปวฑฺฒติ ปญฺญาย จาเคน สุเตน จูภยํ สา ตาทิสี สีลวตี อุปาสิกา อาทียติ สารมิเธว อตฺตโนติ ฯ ทสมํ ฯ> มาตุคามสฺส พลวคฺโค ตติโย ฯ ตสฺสุทฺทานํ ปญฺจ วิสารทา ปสยฺหา อภิภุยฺย องฺเคน ปญฺจมํ นาสยิตฺถ เหตุฏฺฐานํ วิสารทา วฑฺฒินา ทสาติ ฯ มาตุคามสํยุตฺตํ นิฏฺฐิตํ ฯ ______________ ชมฺพุขาทกสํยุตฺตํ