๑๐. วัฑฒิสูตร

Pañcahi bhikkhave vaḍḍhīhi vaḍḍhamānā ariyasāvikā ariyāya vaḍḍhiyā vaḍḍhati sārādāyinī ca hoti varādāyinī ca kāyassa . katamehi pañcahi . saddhāya vaḍḍhati sīlena vaḍḍhati sutena vaḍḍhati cāgena vaḍḍhati paññāya vaḍḍhati . imehi kho bhikkhave pañcahi vaḍḍhīhi vaḍḍhamānā ariyasāvikā ariyāya vaḍḍhiyā vaḍḍhati sārādāyinī ca hoti varādāyinī ca kāyassāti. Saddhāya sīlena ca yā pavaḍḍhati paññāya cāgena sutena cūbhayaṃ sā tādisī sīlavatī upāsikā ādīyati sāramidheva attanoti. Dasamaṃ. Mātugāmassa balavaggo tatiyo. Tassuddānaṃ pañca visāradā pasayhā abhibhuyya aṅgena pañcamaṃ nāsayittha hetuṭṭhānaṃ visāradā vaḍḍhinā dasāti. Mātugāmasaṃyuttaṃ niṭṭhitaṃ. -----------