สมัตตสูตร

Taṃyeva nidānaṃ . ekamantaṃ nisinno kho āyasmā sārīputto āyasmantaṃ anuruddhaṃ etadavoca @Footnote: 1 sekho sekhotītipi pāṭho.

Asekkho asekkhoti āvuso anuruddha vuccati kittāvatā nu kho āvuso asekkho hotīti . catunnaṃ kho āvuso satipaṭṭhānānaṃ samattaṃ bhāvitattā asekkho hoti . katamesaṃ catunnaṃ . idhāvuso bhikkhu kāye kāyānupassī viharati ātāpī sampajāno satimā vineyya loke abhijjhādomanassaṃ . vedanāsu citte dhammesu dhammānupassī viharati ātāpī sampajāno satimā vineyya loke abhijjhādomanassaṃ . Imesaṃ kho āvuso catunnaṃ satipaṭṭhānānaṃ samattaṃ bhāvitattā asekkho hotīti.