วรรคที่ ๔

เอตทคฺคํ ภิกฺขเว มม สาวกานํ ภิกฺขูนํ พหุสฺสุตานํ ยทิทํ อานนฺโท ฯ สติมนฺตานํ ยทิทํ อานนฺโท ฯ คติมนฺตานํ ยทิทํ อานนฺโท ฯ ธิติมนฺตานํ ยทิทํ อานนฺโท ฯ อุปฏฺฐากานํ ยทิทํ อานนฺโท ฯ มหาปริสานํ ยทิทํ อุรุเวลกสฺสโป ฯ กุลปฺปสาทกานํ ยทิทํ กาฬุทายิ ฯ อปฺปาพาธานํ ยทิทํ พกฺกุโล ๑ ฯ ปุพฺเพนิวาสํ อนุสฺสรนฺตานํ ยทิทํ โสภิโต ฯ วินยธรานํ ยทิทํ อุปาลิ ฯ ภิกฺขุโนวาทกานํ ยทิทํ นนฺทโก ฯ อินฺทฺริเยสุ คุตฺตทฺวารานํ ยทิทํ นนฺโท ฯ ภิกฺขุโอวาทกานํ ยทิทํ มหากปฺปิโน ฯ เตโชธาตุกุสลานํ ยทิทํ สาคโต ฯ ปฏิภาเณยฺยกานํ ยทิทํ ราโธ ฯ ลูขจีวรธรานํ ยทิทํ โมฆราชาติ ฯ วคฺโค จตุตฺโถ ฯ #๑ ม. พากุโล ฯ