๘. สารัชชสูตร

Pañcahi bhikkhave dhammehi samannāgato bhikkhu sārajjaṃ okkanto 1- hoti katamehi pañcahi idha bhikkhave bhikkhu assaddho hoti dussīlo hoti appassuto hoti kusīto hoti duppañño hoti imehi kho bhikkhave pañcahi dhammehi samannāgato bhikkhu sārajjaṃ okkanto hoti . pañcahi bhikkhave dhammehi samannāgato bhikkhu visārado hoti katamehi pañcahi idha bhikkhave bhikkhu saddho hoti sīlavā hoti bahussuto hoti āraddhaviriyo hoti paññavā hoti imehi kho bhikkhave pañcahi dhammehi samannāgato bhikkhu visārado hotīti.