สัปปุริสสูตร ที่ ๑

๓๗ อฏฺฐิมานิ ภิกฺขเว สปฺปุริสทานานิ ฯ กตมานิ อฏฺฐ สุจึ เทติ ปณีตํ เทติ กาเลน เทติ กปฺปิยํ เทติ วิเจยฺย เทติ อภิณฺหํ เทติ ททํ จิตฺตํ ปสาเทติ ทตฺวา อตฺตมโน โหติ ฯ อิมานิ โข ภิกฺขเว อฏฺฐ สปฺปุริสทานานีติ ฯ สุจึ ปณีตํ กาเลน กปฺปิยํ ปานโภชนํ อภิณฺหํ ททาติ ทานานิ ๑ สุเขตฺเตสุ ๒ พฺรหฺมจาริสุ เนว ๓ วิปฺปฏิสาริยํ ๔ จชิตฺวา อามิสํ พหุํ เอวํ ทินฺนานิ ทานานิ วณฺณยนฺติ วิปสฺสิโน เอวํ ยชิตฺวา เมธาวี สทฺโธ มุตฺเตน เจตสา อพฺยาปชฺฌํ สุขํ โลกํ ปณฺฑิโต อุปปชฺชตีติ ฯ