๒. ธาตุสูตร

2 Vuttaṃ hetaṃ bhagavatā vuttamarahatāti me sutaṃ tisso imā bhikkhave dhātuyo katamā tisso rūpadhātu arūpadhātu nirodhadhātu. Imā kho bhikkhave tisso dhātuyoti . etamatthaṃ bhagavā avoca. Tatthetaṃ iti vuccati rūpadhātupariññāya 1- arūpesu asaṇṭhitā nirodhe ye vimuccanti te janā maccuhāyino. Kāyena amataṃ dhātuṃ phussayitvā 2- nirūpadhiṃ upadhippaṭinissaggaṃ sacchikatvā anāsavo deseti sammāsambuddho asokaṃ virajaṃ padanti. Ayampi attho vutto bhagavatā iti me sutanti. Dutiyaṃ.