๘. นาวาสูตร

|๓๒๕.๗๔๒| ๘ ยสฺมา หิ ธมฺมํ ปุริโส วิชญฺญา อินฺทํว นํ เทวตา ปูชเยยฺย โส ปูชิโต ตสฺมึ ปสนฺนจิตฺโต พหุสฺสุโต ปาตุกโรติ ธมฺมํ ฯ |๓๒๕.๗๔๓| ตทฏฺฐิกตฺวาน นิสมฺม ธีโร ธมฺมานุธมฺมํ ปฏิปชฺชมาโน วิญฺญู วิภาวี นิปุโณ จ โหติ โย ตาทิสํ ภชติ อปฺปมตฺโต ฯ |๓๒๕.๗๔๔| ขุทฺทญฺจ พาลํ อุปเสวมาโน อนาคตตฺถญฺจ อุสุยฺยกญฺจ อิเธว ธมฺมํ อวิภาวยิตฺวา อวิติณฺณกงฺโข มรณํ อุเปติ ฯ |๓๒๕.๗๔๕| ยถา นโร อาปคํ โอตริตฺวา มโหทกํ สลิลํ สีฆโสตํ โส วุยฺหมาโน อนุโสตคามี กึ โส ปเร สกฺขติ ตารเยตุํ ฯ |๓๒๕.๗๔๖| ตเถว ธมฺมํ อวิภาวยิตฺวา พหุสฺสุตานํ อนิสามยตฺถํ สยํ อชานํ อวิติณฺณกงฺโข กึ โส ปเร สกฺขติ นิชฺฌเปตุํ ฯ |๓๒๕.๗๔๗| ยถาปิ นาวํ ทฬฺหมารุหิตฺวา ปิเยนริตฺเตน สมงฺคิภูโต โส ตารเย ตตฺถ พหูปิ อญฺเญ ตตฺรูปยญฺญู กุสโล มติมา ๑- |๓๒๕.๗๔๘| เอวมฺปิ โย เวทคุ ภาวิตตฺโต พหุสฺสุโต โหติ อเวธธมฺโม โส โข ปเร นิชฺฌปเย ปชานํ โสตาวธาโนปนิสูปปนฺเน ฯ |๓๒๕.๗๔๙| ตสฺมา หเว สปฺปุริสํ ภเชถ เมธาวินญฺเจว พหุสฺสุตญฺจ อญฺญาย อตฺถํ ปฏิปชฺชมาโน วิญฺญาตธมฺโม ส ๒- สุขํ ลเภถาติ ฯ นาวาสุตฺตํ อฏฺฐมํ -------