๙. มหาเปสการเปตวัตถุ

|๙๔.๕๔| ๙ คูถญฺจ มุตฺตํ รุธิรญฺจ ๑- ปุพฺพํ ปริภุญฺชติ กิสฺส อยํ วิปาโก อยํ นุ กึ กมฺมมกาสิ นารี ยา สพฺพทา โลหิตปุพฺพภกฺขา |๙๔.๕๕| นวานิ วตฺถานิ สุภานิ เจว มุทูนิ สุทฺธานิ จ โลมสานิ ทินฺนานิ มิสฺสา กิฏกา ภวนฺติ อยํ นุ กึ กมฺมมกาสิ นารีติ ฯ |๙๔.๕๖| ภริยา มเมสา อหุ ภทนฺเต อทายิกา มจฺฉรินี กทริยา สา มํ ททนฺตํ สมณพฺราหฺมณานํ อกฺโกสติ ปริภาสติ จ |๙๔.๕๗| คูถญฺจ มุตฺตํ รุธิรญฺจ ๑- ปุพฺพํ ปริภุญฺช ตฺวํ อสุจึ สพฺพกาลํ ฯ เอตํ เต ปรโลกสฺมึ โหตุ วตฺถา จ เต กิฏกา ๒- ภวนฺตุ เอตาทิสํ ทุจฺจริตํ จริตฺวา อิธาคตา จิรรตฺตาย ขาทตีติ ฯ มหาเปสการเปตวตฺถุ นวมํ ฯ @เชิงอรรถ: ๑ ม. รุหิรญฺจ ฯ ๒ ม. กิฏกสมา ฯ