๕. อโนปมาเถรีคาถา

|๔๕๕.๑๕๑| ๕ อุจฺเจ กุเล อหํ ชาตา พหุวิตฺเต มหทฺธเน วณฺณรูเปน สมฺปนฺนา ธีตา เมฆิสฺส ๑- อตฺรชา ฯ |๔๕๕.๑๕๒| ปตฺถิตา ราชปุตฺเตหิ เสฏฺฐิปุตฺเตหิ คิชฺฌิตา ปิตุ เม เปสยิ ทูตํ เทถ มยฺหํ อโนปมํ ฯ |๔๕๕.๑๕๓| ยตฺตกํ ตุลิตา เอสา ตุยฺหํ ธิตา อโนปมา ตโต อฏฺฐคุณํ ทสฺสํ หิรญฺญํ รตนานิ จ ฯ @เชิงอรรถ: ๑ ม. ยุ. มชฺฌสฺส ฯ |๔๕๕.๑๕๔| สาหํ ทิสฺวาน สมฺพุทฺธํ โลกเชฏฺฐํ อนุตฺตรํ ตสฺส ปาทานิ วนฺทิตฺวา เอกมนฺตํ อุปาวิสึ ฯ |๔๕๕.๑๕๕| โส เม ธมฺมมเทเสสิ อนุกมฺปาย โคตโม นิสินฺนา อาสเน ตสฺมึ ผุสยึ ตติยํ ผลํ ฯ |๔๕๕.๑๕๖| ตโต เกสานิ เฉตฺวาน ปพฺพชึ อนคาริยํ สาชฺช ๑- เม สตฺตมี รตฺติ ยโต ตณฺหา วิโสสิตา ฯ อโนปมา ฯ