๑. อุตตราเถรีคาถา

|๔๕๙.๑๗๕| ๑ มุสลานิ คเหตฺวาน ธญฺญํ โกฏฺเฏนฺติ มาณวา ปุตฺตทารานิ โปเสนฺตา ธนํ วินฺทนฺติ มาณวา ฯ |๔๕๙.๑๗๖| ฆเฏถ พุทฺธสาสเน ยํ กตฺวา นานุตปฺปติ ขิปฺปํ ปาทานิ โธวิตฺวา เอกมนฺตํ นิสีทถ ฯ |๔๕๙.๑๗๗| จิตฺตํ อุปฏฺฐเปตฺวาน เอกคฺคํ สุสมาหิตํ ปจฺจเวกฺขถ สงฺขาเร ปรโต โน จ อตฺตโต ฯ |๔๕๙.๑๗๘| ตสฺสาหํ วจนํ สุตฺวา ปฏาจารานุสาสนึ ปาเท ปกฺขาลยิตฺวาน เอกมนฺเต อุปาวิสึ ฯ @เชิงอรรถ: ๑ ยุ. ปสาเรมิ ฯ |๔๕๙.๑๗๙| รตฺติยา ปุริเม ยาเม ปุพฺพชาติมนุสฺสรึ รตฺติยา มชฺฌิเม ยาเม ทิพฺพจกฺขุํ วิโสธยึ ฯ |๔๕๙.๑๘๐| รตฺติยา ปจฺฉิเม ยาเม ตโมกฺขนฺธํ ปทาลยึ เตวิชฺชา อถ วุฏฺฐามิ ๑- กตา เต อนุสาสนี ฯ |๔๕๙.๑๘๑| สกฺกํว เทวา ติทสา สงฺคาเม อปราชิตํ ปุรกฺขิตฺวา วิหรามิ ๒- เตวิชฺชมฺหิ อนาสวา ฯ อุตฺตรา ฯ