[378] |378.608| 1 Sīlamevidha sikkhetha asmiṃ loke susikkhitaṃ sīlaṃ hi sabbasampattiṃ upanāmeti sevitaṃ. |378.609| Sīlaṃ rakkheyya medhāvī patthayāno tayo sukhe pasaṃsaṃ vittilābhañca pecca sagge pamodanaṃ. |378.610| Sīlavā hi bahū mitte saññamenādhigacchati dussīlo pana mittehi dhaṃsate pāpamācaraṃ. |378.611| Avaṇṇañca akittiñca dussīlo labhate naro vaṇṇaṃ kittiṃ pasaṃsañca sadā labhati sīlavā. Sīlavatthero.