๑. สีลวเถรคาถา

|378.608| 1 Sīlamevidha sikkhetha asmiṃ loke susikkhitaṃ sīlaṃ hi sabbasampattiṃ upanāmeti sevitaṃ. |378.609| Sīlaṃ rakkheyya medhāvī patthayāno tayo sukhe pasaṃsaṃ vittilābhañca pecca sagge 1- pamodanaṃ. |378.610| Sīlavā hi bahū mitte saññamenādhigacchati dussīlo pana mittehi dhaṃsate pāpamācaraṃ. |378.611| Avaṇṇañca akittiñca dussīlo labhate naro vaṇṇaṃ kittiṃ pasaṃsañca sadā labhati sīlavā. @Footnote: 1 Sī. Yu. pecca sagge ca. |378.612| Ādi sīlaṃ patiṭṭhā ca kalyāṇānañca mātukaṃ pamukhaṃ sabbadhammānaṃ tasmā sīlaṃ visodhaye. |378.613| Velā ca saṃvaraṃ sīlaṃ cittassa abhihāsanaṃ 1- titthañca sabbabuddhānaṃ tasmā sīlaṃ visodhaye. |378.614| Sīlaṃ balaṃ appaṭimaṃ sīlaṃ āvudhamuttamaṃ sīlaṃ ābharaṇaṃ 2- seṭṭhaṃ sīlaṃ kavacamabbhutaṃ. |378.615| Sīlaṃ setu mahesakkho sīlaṃ gandho anuttaro sīlaṃ vilepanaṃ seṭṭhaṃ yena vāti diso disaṃ. |378.616| Sīlaṃ sambalamevaggaṃ 3- sīlaṃ pātheyyamuttamaṃ sīlaṃ seṭṭho ativāho yena vāti diso disaṃ. |378.617| Idheva nindaṃ labhati peccāpāye ca dummano sabbattha dummano bālo sīlesu asamāhito. |378.618| Idheva kittiṃ labhati pecca sagge ca sumano sabbattha sumano dhīro sīlesu susamāhito. |378.619| Sīlameva idha aggaṃ paññavā pana uttamo manussesu ca devesu sīlapaññāṇato jayanti. Sīlavatthero.