๕. ชัมพุกชาดก

พฺรหา ปวฑฺฒกาโย โส ทีฆทาโฐว ชมฺพุก น ตฺวํ ตมฺหิ กุเล ชาโต ยตฺถ คณฺหนฺติ กุญฺชรํ ฯ

อสีโห สีหมาเนน โย อตฺตานํ วิกุพฺพติ กุตฺถุว ๑ คชมาสชฺช เสติ ภูมฺยา อนุตฺถุนํ ฯ

ยสสฺสิโน อุตฺตมปุคฺคลสฺส สญฺชาตขนฺธสฺส มหพฺพลสฺส อสเมกฺขิย กามพลูปปตฺตึ ส เสติ นาเคน หโตยํ ชมฺพุโก ฯ

โย จีธ กมฺมํ กุรุเต ปมาย ถามพลํ อตฺตนิ สํวิทิตฺวา ชปฺเปน มนฺเตน สุภาสิเตน ปริกฺขวา โส วิปุลํ ชินาตีติ ฯ ชมฺพุกชาตกํ ปญฺจมํ ฯ