๒. สุชาตชาดก

Kinnu santaramānova lāyitvā haritaṃ tiṇaṃ khāda khādāti lapasi gatasantaṃ jaraggavaṃ nahi annena pānena mato goṇo samuṭṭhahe tvañca tucchaṃ vilapasi yathātaṃ dummatī tathā.

Tatheva tiṭṭhati sīsaṃ hatthapādā ca vāladhi sotā tatheva tiṭṭhanti maññe goṇo samuṭṭhahe nevayyakassa sīsaṃ vā 3- hatthapādāva 4- dissare rudaṃ mattikathūpasmiṃ nanu tvaññeva dummati.

Ādittaṃ vata maṃ santaṃ ghatasittaṃva pāvakaṃ vārinā viya osiñcaṃ sabbaṃ nibbāpaye daraṃ abbūḷhaṃ 5- vata me sallaṃ sokaṃ hadayanissitaṃ 6- @Footnote: 1 Ma. rāja. 2 Ma. kitti. 3 Ma. sīsañca. 4 Ma. ca. 5 Ma. abbahī. @ 6 Sī. Ma. yamāsi hadayassitaṃ. Yo me sokaparetassa pitusokaṃ apānudi.

Sohaṃ abbūḷhasallosmi vītasoko anāvilo na socāmi na rodāmi tava sutvāna māṇava.

Evaṃ karonti sappaññā ye honti anukampakā vinivattenti sokamhā sujāto pitaraṃ yathāti. Sujātajātakaṃ dutiyaṃ.