๒. สีลวีมังสชาดก

สีลํ เสยฺโย สุตํ เสยฺโย อิติ เม สํสโย อหุ สีลเมว สุตา เสยฺโย อิติ เม นตฺถิ สํสโย ฯ

โมฆา ชาติ จ วณฺโณ จ สีลเมว กิรุตฺตมํ สีเลน อนุเปตสฺส สุเตนตฺโถ น วิชฺชติ ฯ

ขตฺติโย จ อธมฺมฏฺโฐ เวสฺโส จาธมฺมนิสฺสิโต เต ปริจฺจชฺชุโภ โลเก อุปปชฺชนฺติ ทุคฺคตึ ฯ

ขตฺติยา พฺราหฺมณา เวสฺสา สุทฺทา จณฺฑาลปุกฺกุสา อิธ ธมฺมํ จริตฺวาน ภวนฺติ ติทิเว สมา ฯ

น เวทา สมฺปรายาย น ชาติ นปิ ๑ พนฺธวา สกญฺจ สีลสํสุทฺธํ สมฺปรายสุขาวหนฺติ ๒ ฯ สีลวีมํสชาตกํ ทุติยํ ฯ