๑๒. พิลารโกสิยชาดก

Apacantāpi icchanti santo laddhāna bhojanaṃ kimeva tvaṃ pacamāno yaṃ na dajjā na taṃ samaṃ. @Footnote: 1 Ma. kālakatābhipatthaye . 2 Ma. osiñcaṃ. evamuparipi . 3 Ma. abbahī. @evamuparipi.

Maccherā ca pamādā ca evaṃ dānaṃ na diyyati puññaṃ ākaṅkhamānena deyyaṃ hoti vijānatā.

Yasseva bhīto na dadāti (maccharī) tadevādadato bhayaṃ jighacchā ca pipāsā ca yassa bhāyati maccharī tameva bālaṃ phusati asmiṃ loke paramhi ca.

Tasmā vineyya maccheraṃ dajjā dānaṃ malābhibhū puññaṃ 1- hi paralokasmiṃ patiṭṭhā hoti pāṇinaṃ.

Duddadaṃ dadamānānaṃ dukkaraṃ kammakubbataṃ asanto nānukubbanti sataṃ dhammo durannayo.

Tasmā satañca asatañca 2- nānā hoti ito gati asanto nirayaṃ yanti santo saggaparāyanā.

Appampeke 3- pavecchanti bahunāke 4- na dicchare appasmā dakkhiṇā dinnā sahassena samaṃ mitā.

Dhammañcare yopi samucchakaṃ care dārañca posaṃ dadamappakasmiṃ satasahassānaṃ sahassayāginaṃ kalampi nāgghanti tathāvidhassa te.

Kenesa yañño vipulo mahagghato samena dinnassa anagghameti kathaṃ [4]- sahassānaṃ sahassayāginaṃ @Footnote: 1 Ma. puññāni . 2 Ma. casaddo natthi . 3 Ma. upasameke . 4 Ma. bahuneke. @ 5 Ma. sataṃ. Kalampi nāgghanti tathāvidhassa te.

Dadanti heke visame niviṭṭhā ghatvā 1- vadhitvā atha socayitvā sā dakkhiṇā assumukhā sadaṇḍā samena dinnassa na agghameti evaṃ [2]- sahassānaṃ sahassayāginaṃ kalampi nāgghanti tathāvidhassa teti. Bilārakosiyajātakaṃ dvādasamaṃ.