[๓๗๙] ยสฺสตฺถา ทูรมายนฺติ อมิตฺตมปิ ยาจิตุํ ตสฺสูทรสฺสหํ ทูโต มา เม กุชฺฌ รเถสภ ฯ

[๓๘๐] ยสฺส ทิวา จ รตฺโต จ วสมายนฺติ มาณวา ตสฺสูทรสฺสหํ ทูโต มา เม กุชฺฌ ๑ รเถสภ ฯ

[๓๘๑] ททามิ เต พฺราหฺมณ โรหิณีนํ ควํ สหสฺสํ สห ปุงฺคเวน ทูโต หิ ทูตสฺส กถํ น ทชฺชํ มยมฺปิ ตสฺเสว ภวาม ทูตาติ ฯ ทูตชาตกํ ทสมํ ฯ สงฺกปฺปวคฺโค ปฐโม ฯ ___________ ตสฺสุทฺทานํ อุสุการวโร ติลมุฏฺฐิ มณิ หยราช วิหงฺคม อาสีวิโส ชนสนฺธ กหาปณวสฺส ปุน ติริติ ๒ ปุน ทูตาวเรน ๓ ทส ฯ ___________