[๕๗๘] สุจฺจชํ วต นจฺจชิ วาจาย อททํ คิรึ กิญฺจิ ๑ ตสฺส จชนฺตสฺส วาจาย อททํ ๒ ปพฺพตํ ฯ

[๕๗๙] ยญฺหิ กยิรา ตญฺหิ วเท ยํ น กยิรา น ตํ วเท อกโรนฺตํ ภาสมานํ ปริชานนฺติ ปณฺฑิตา ฯ

[๕๘๐] ราชปุตฺต นโม ตฺยตฺถุ สจฺเจ ธมฺเม ฐิโตวสิ ๓ ยสฺส เต พฺยสนํ ปตฺโต สจฺจสฺมึ รมเต มโน ฯ

[๕๘๑] ยา ทลิทฺที ทลิทฺทสฺส อฑฺฒา อฑฺฒสฺส กิตฺติมา ๔ สา หิสฺส ปรมา ภริยา สหิรญฺญสฺส อิตฺถิโยติ ฯ สุจฺจชชาตกํ ทสมํ ฯ ปุจิมนฺทวคฺโค ทุติโย ฯ ___________ ตสฺสุทฺทานํ อถ โจร สกสฺสป ขนฺติวโร ทุชฺชีวิตตา จ วรา ผรุสา อถ สุํ มตํ จ วสนฺต สุขํ สุจฺจชํวตนจฺจชินา จ ทส ฯ