[๑๒๗๘] น เม อิทํ รุจฺจติ จกฺกวาเก ๓ อสฺมึ ภเว โภชนสนฺนิกาโส อโหสิ ปุพฺเพ ตโต เม อญฺญถา อิจฺเจว เม วิมติ เอตฺถ ชาตา ฯ

[๑๒๗๙] อหมฺปิ มํสานิ ผลานิ ภุญฺเช อนฺนานิ จ โลณิกเตลิกานิ รสํ มนุสฺเสสุ ลภามิ โภตฺตุํ สูโรว สงฺคามมุขํ วิเชตฺวา น จ เม ตาทิโส วณฺโณ จกฺกวาก ยถา ตว ฯ

[๑๒๘๐] อสุทฺธภกฺโขสิ ขณานุปาตี กิจฺเฉน เต ลพฺภติ อนฺนปานํ น ตุสฺสสิ รุกฺขผเลหิ ธงฺก มํสานิ วา ยานิ สุสานมชฺเฌ ฯ

[๑๒๘๑] โย สาหเสน อธิคมฺม โภเค ปริภุญฺชติ ธงฺก ขณานุปาตี ตโต อุปกฺโกสติ นํ สภาโว อุปกฺกุฏฺโฐ วณฺณพลํ ชหาติ ฯ