[502] Vivaratha imāsaṃ dvāraṃ nagarantaṃ pavīsituṃ aruṇarājassa sīhena susiṭṭhena surakkhitaṃ nandisenena.

[503] Jayo kāliṅgānaṃ asayhasāhinaṃ parājayo ajayo assakānaṃ iccevaṃ te bhāsitaṃ brahmacāri na ujubhūtā vitathaṃ bhaṇanti.

[504] Devā musāvādamupātivattā saccaṃ tathaṃ paramaṃ karaṃ nu sakka tante musā bhāsitaṃ devarāja kiṃ vā paṭicca maghavā mahinda .

[505] Nanu te sutaṃ brāhmaṇa bhaññamāne devā na issanti purisaparakkamassa damo samādhi manaso abhejjo Abyattatā nikkamanañca kāle daḷhañca viriyaṃ purisaparakkamo ca teneva āsi vijayo assakānanti. Cullakāliṅgajātakaṃ paṭhamaṃ.