[1487] Na vāhamete icchāmi ye sasā paṭhaviṃsitā candato sasamicchāmi tamme ohara kesava.

[1488] So nūna madhuraṃ ñāti jīvitaṃ vijahissasi apatthayaṃ yo patthayasi candato sasamicchasi.

[1489] Evañce kaṇha jānāsi yadaññamanusāsasi kasmā pure mataṃ puttaṃ ajjāpi anusocasi.

[1490] Yaṃ na labbhā manussena amanussena vā puna jāto me mā marī putto kuto labbhā alabbhiyaṃ. Na mantā mūlabhesajjā osadhehi dhanena vā sakkā ānayituṃ kaṇha yaṃ petamanusocasi.