๑๖. ฆตปัณฑิตชาดก

Uṭṭhehi kaṇha kiṃ sesi ko attho supanena te yopi tuyhaṃ 4- sako bhātā hadayaṃ cakkhudakkhiṇaṃ 5- tassa vātā baliyyanti ghato jappati kesava.

Tassa taṃ vacanaṃ sutvā rohiṇeyyassa kesavo taramānarūpo vuṭṭhāsi bhātusokena aṭṭito. @Footnote: 1 Ma. vuddhā . 2 Yu. sukhindriyāni . 3 Ma. kiñcanamatthi . 4 Yu. tāyaṃ. @ 5 Ma. cakkhu ca dakkhiṇaṃ. Yu. cakkhuṃva.

Kinnu ummattarūpova kevalaṃ dvārakaṃ imaṃ saso sasoti lapasi ko nu te sasamāhari.

Sovaṇṇamayaṃ maṇimayaṃ (lohamayaṃ) atha vā rūpiyamayaṃ saṅkhasilāpavāḷamayaṃ kārayissāmi te sasaṃ. Santi aññepi sasakā araññe vanagocarā tepi te ānayissāmi kīdisaṃ sasamicchasi.

Na vāhamete 1- icchāmi ye sasā paṭhaviṃsitā candato sasamicchāmi tamme ohara kesava.

So nūna madhuraṃ ñāti jīvitaṃ vijahissasi apatthayaṃ yo patthayasi candato sasamicchasi.

Evañce kaṇha jānāsi yadaññamanusāsasi kasmā pure mataṃ puttaṃ ajjāpi anusocasi.

Yaṃ na labbhā manussena amanussena vā puna jāto me mā marī putto kuto labbhā alabbhiyaṃ. Na mantā mūlabhesajjā osadhehi dhanena vā sakkā ānayituṃ kaṇha yaṃ petamanusocasi.

Yassa etādisā assu amaccā purisapaṇḍitā yathā nijjhāpaye ajja ghato purisapaṇḍito. Ādittaṃ vata maṃ santaṃ ghatasittaṃva pāvakaṃ vārinā viya osiñci sabbaṃ nibbāpaye daraṃ. @Footnote: 1 Sī. cāhametaṃ . Ma. na cāhamete . Yu. vāhametaṃ. Abbuhi vata me sallaṃ yamāsi hadayassitaṃ yo me sokaparetassa puttasokaṃ apānudi. Sohaṃ abbūḷhasallosmi vītasoko anāvilo na socāmi na rodāmi tava sutvāna māṇava.

Evaṃ karonti sappaññā ye honti anukampakā nivattayanti sokamhā ghato jeṭṭhaṃva bhātaranti. Ghatapaṇḍitajātakaṃ soḷasamaṃ. ---------- Tassuddānaṃ daḷha kaṇha dhanañjaya saṅkhavaro rājā sattāha sasākha 1- takkalinā dhammaṃ kukkuṭa kuṇḍali bhojanadā cakkavāka subhūri sasotthi ghato. Dasakanipātaṃ niṭṭhitaṃ. --------- @Footnote: 1 Ma. raja sattaha kassa ca.