[1098] |1098.1| Tato vessantaro rājā dānaṃ datvāna khattiyo pitu mātuñca vanditvā katvā ca naṃ padakkhiṇaṃ. |1098.2| Catuvāhiṃ rathaṃ yuttaṃ sīghamāruyha sandanaṃ ādāya putta dārañca vaṅkaṃ pāyāsi pabbataṃ.

[1099] Tato vessantaro rājā yenāsi bahuko jano āmanta kho taṃ gacchāma arogā hontu ñātayo

[1100] Nikkhamitvāna nagarā nivattitvā vilokite Tadāpi paṭhavī kampi sineruvanavaṭaṃsakā.

[1101] Iṅgha maddi nisāmehi rammarūpaṃva dissati āvāso siviseṭṭhassa pettikaṃ bhavanaṃ mama.