[1124] Na te brāhmaṇa gacchāmi nadiṃ udakahāriyā thiyo maṃ paribhāsanti tayā jiṇṇena brāhmaṇa.

[1125] Mā me tvaṃ akarā kammaṃ mā me udakamāhari ahaṃ udakamāhissaṃ mā bhotī kuppitā ahu.

[1126] |1126.1| Nāhaṃ tamhi kule jātā yaṃ tvaṃ udakamāhare evaṃ brāhmaṇa jānāhi na te vacchāmihaṃ ghare. |1126.2| Sace me dāsaṃ dāsiṃ vā nānayissasi brāhmaṇa evaṃ brāhmaṇa jānāhi na te vacchāmi santike.

[1127] Natthi me sippaṭṭhānaṃ vā dhanaṃ dhaññañca brāhmaṇi Kutohaṃ dāsaṃ dāsiṃ vā ānayissāmi bhotiyā ahaṃ bhotiṃ upaṭṭhissaṃ mā bhotī kuppitā ahu.