[1140] |1140.1| Ambā kapitthā panasā sālā jambū vibhedakā harītakī āmalakā assatthā badarāni ca. Nānāvaṇṇehi pupphehi nabhaṃ tārā citāmiva |1140.8| kuṭajī kuṭṭhataggarā pāṭaliyo ca pupphitā punnāgā giripunnāgā koviḷārā ca pupphitā. |1140.9| Uddhālakā somarukkhā agarubhalliyā bahū pattajīvā ca kukkuṭā asanā cettha pupphitā. |1140.10| Kuṭajā salaḷā nīpā kosambalabujā dhavā sālā ca pupphitā tattha palālakhalasannibhā. Yattha vessantaro rājā saha puttehi sammati |1140.20| dhārento brāhmaṇavaṇṇaṃ āsadañca masañjaṭaṃ cammavāsī chamā seti jātavedaṃ namassati.