[1215] |1215.1| Kassetaṃ mukhamābhāti hemaṃvuttattamagginā nikkhaṃva jātarūpassa ukkāmukhapahaṃsitaṃ. |1215.2| Ubho sadisapaccaṅgā ubho sadisalakkhaṇā jālissa sadiso eko ekā kaṇhājinā yathā. |1215.3| Sīhā vilāva nikkhantā ubho sampattirūpakā jātarūpamayāyeva ime dissanti dārakā.

[1216] Kuto nu tvaṃ bhāradvāja ime ānesi dārake ajja raṭṭhamanuppatto kuto āgacchasi brāhmaṇa .

[1217] Mayhante dārakā deva dinnā vittena sañjaya ajja paṇṇarasā ratti yato laddhā me dārakā.

[1218] Kena vācāya peyyena sammā ñāyena saddahe ko te taṃ dānamadadā puttake dānamuttamaṃ.