๕. อุมมาปุปผิยเถราปทาน (๑๔๕)

|๑๔๗.๒๑| นิพฺพุเต โลกมหิเต อาหุตีนํ ปฏิคฺคเห สิทฺธตฺถมฺหิ ภควติ มหาถูปมโห อหุ ฯ |๑๔๗.๒๒| มเห ปวตฺตมานมฺหิ สิทฺธตฺถสฺส มเหสิโน อุมฺมาปุปฺผํ คเหตฺวาน ถูปมฺหิ อภิโรปยึ ฯ |๑๔๗.๒๓| จตุนวุเต อิโต กปฺเป ยํ ปุปฺผมภิโรปยึ ทุคฺคตึ นาภิชานามิ ปุปฺผปูชายิทํ ๑- ผลํ ฯ |๑๔๗.๒๔| อิโต จ นวเม กปฺเป โสมเทวสนามกา ปญฺจาสีติสุ ราชาโน จกฺกวตฺตี มหพฺพลา ฯ |๑๔๗.๒๕| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา อุมฺมาปุปฺผิโย เถโร อิมา คาถาโย อภาสิตฺถาติ ฯ อุมฺมาปุปฺผิยตฺเถรสฺส อปทานํ สมตฺตํ ฯ @เชิงอรรถ: ๑ ม. ยุ. ถูปปูชายิทํ ผลํ ฯ