๕. เวทิทายกเถราปทาน (๒๓๕)

|๒๓๗.๑๙| วิปสฺสิโน ภควโต โพธิยา ปาทปุตฺตเม ปสนฺนจิตฺโต สุมโน กาเรสึ เวทิกํ อหํ ฯ |๒๓๗.๒๐| เอกนวุเต อิโต กปฺเป กาเรสึ เวทิกํ อหํ ทุคฺคตึ นาภิชานามิ เวทิกาย อิทํ ผลํ ฯ |๒๓๗.๒๑| อิโต เอกาทเส กปฺเป อโหสึ สูริยสฺสโม สตฺตรตนสมฺปนฺโน จกฺกวตฺติ มหพฺพโล ฯ |๒๓๗.๒๒| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา เวทิทายโก เถโร อิมา คาถาโย อภาสิตฺถาติ ฯ เวทิทายกตฺเถรสฺส อปทานํ สมตฺตํ ฯ