๖. วรรณการเถราปทาน (๒๓๖)

|๒๓๘.๒๓| นคเร อรุณวติยา วณฺณกาโร อหํ ตทา เจติเย ทุสฺสภณฺฑานิ นานาวณฺณํ รเชมหํ ๑- ฯ |๒๓๘.๒๔| เอกตฺตึเส อิโต กปฺเป ยํ วณฺณํ รชยึ ตทา ทุคฺคตึ นาภิชานามิ วณฺณทานสฺสิทํ ผลํ ฯ |๒๓๘.๒๕| อิโต เตวีสติกปฺเป จนฺทสมสนามโก ๒- สตฺตรตนสมฺปนฺโน จกฺกวตฺติ มหพฺพโล ฯ |๒๓๘.๒๖| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา วณฺณการโก เถโร อิมา คาถาโย อภาสิตฺถาติ ฯ วณฺณการกตฺเถรสฺส อปทานํ สมตฺตํ ฯ