๓. ฉัตตทายกเถราปทาน (๒๙๓)

|๒๙๕.๑๑| ปุตฺโต มม ปพฺพชิโต กาสายวสโน ตทา โส จ พุทฺธตฺตสมฺปตฺโต นิพฺพุโต โลกปูชิโต ฯ @เชิงอรรถ: ๑ ม. ยุ. นิพฺพตฺตา ฯ ๒ --- อภิปูชยึ ฯ |๒๙๕.๑๒| วิจินนฺโต สกํ ปุตฺตํ อารามํ ๑- ปจฺฉโต มมํ นิพฺพุตสฺส มหนฺตสฺส จิตกํ อคมาสหํ ฯ |๒๙๕.๑๓| ปคฺคยฺห อญฺชลึ ตตฺถ วนฺทิตฺวา จิตกํ อหํ เสตจฺฉตฺตญฺจ ปคฺคยฺห อาโรเปสึ อหํ ตทา ฯ |๒๙๕.๑๔| จตุนวุเต อิโต กปฺเป ยํ ฉตฺตมภิโรปยึ ทุคฺคตึ นาภิชานามิ ฉตฺตทานสฺสิทํ ผลํ ฯ |๒๙๕.๑๕| ปญฺจวีเส อิโต กปฺเป สตฺต อาสุํ ชนาธิปา มหารหสนามา เต จกฺกวตฺตี มหพฺพลา ฯ |๒๙๕.๑๖| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ อิตฺถํ สุทํ อายสฺมา ฉตฺตทายโก เถโร อิมา คาถาโย อภาสิตฺถาติ ฯ ฉตฺตทายกตฺเถรสฺส อปทานํ สมตฺตํ ฯ