๖. จัมปกปุปผิยเถราปทาน (๓๔๖)

|๓๔๘.๓๙| หิมวนฺตสฺสวิทูเร ฉาปโล ๑- นาม ปพฺพโต พุทฺโธ สุทสฺสโน นาม วิหาสิ ปพฺพตนฺตเร ฯ |๓๔๘.๔๐| ปุปฺผํ เหมวณฺณํ ๒- คยฺห คจฺฉํ เวหายเสนหํ ๓- อทฺทสํ วิรชํ พุทฺธํ โอฆติณฺณมนาสวํ ฯ |๓๔๘.๔๑| สตฺตจมฺปกปุปฺผานิ สีเส กตฺวานหํ ตทา พุทฺธสฺส อภิโรเปสึ สยมฺภุสฺส มเหสิโน ฯ |๓๔๘.๔๒| เอกตฺตึเส อิโต กปฺเป ยํ ปุปฺผมภิปูชยึ ทุคฺคตึ นาภิชานามิ พุทฺธปูชายิทํ ผลํ ฯ |๓๔๘.๔๓| ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ ฯ @เชิงอรรถ: ๑ ม. ชาปโล นาม ฯ ยุ. จาวโล นาม ฯ ๒ ม. เหมวนฺตํ ฯ ยุ. เหมวตํ ฯ @ ๓ ยุ. เวหาสเยนหํ ฯ อิตฺถํ สุทํ อายสฺมา จมฺปกปุปฺผิโย เถโร อิมา คาถาโย อภาสิตฺถาติ ฯ จมฺปกปุปฺผิยตฺเถรสฺส อปทานํ สมตฺตํ ฯ