๖. กทัมพปุปผิยเถราปทาน (๓๖๖)

|368.20| Suvaṇṇavaṇṇaṃ sambuddhaṃ gacchantaṃ antarāpaṇe kañcanagghiyasaṅkāsaṃ dvattiṃsavaralakkhaṇaṃ. |368.21| Nisajja pāsādavare addasaṃ lokanāyakaṃ kadambapupphaṃ paggayha vipassiṃ abhipūjayiṃ. |368.22| Ekanavute ito kappe yaṃ pupphamabhipūjayiṃ 1- duggatiṃ nābhijānāmi buddhapūjāyidaṃ phalaṃ. |368.23| Paṭisambhidā catasso vimokkhāpica aṭṭhime chaḷabhiññā sacchikatā kataṃ buddhassa sāsananti. Itthaṃ sudaṃ āyasmā kadambapupphiyo thero imā gāthāyo abhāsitthāti. Kadambapupphiyattherassa apadānaṃ samattaṃ. @Footnote: 1 Ma. ... buddhamabhipūjayiṃ.