กรุณากถา

Natthi buddhassa bhagavato karuṇāti . āmantā . Natthi buddhassa bhagavato mettāti . na hevaṃ vattabbe .pe. Natthi buddhassa bhagavato karuṇāti . āmantā . natthi buddhassa bhagavato muditā .pe. Upekkhāti. Na hevaṃ vattabbe .pe.

Atthi buddhassa bhagavato mettāti . āmantā . Atthi buddhassa bhagavato karuṇāti . na hevaṃ vattabbe .pe. atthi @Footnote:1. Ma. Yu. yañcassa. 2. Ma. Yu. svākhyāto. 3 aṅ. tika. 361. Buddhassa bhagavato muditā .pe. upekkhāti . āmantā . atthi buddhassa bhagavato karuṇāti. Na hevaṃ vattabbe .pe.

Natthi buddhassa bhagavato karuṇāti . āmantā. Bhagavā akāruṇikoti . na hevaṃ vattabbe .pe. nanu bhagavā kāruṇiko lokahito lokānukampako lokatthacaroti . āmantā . hañci bhagavā kāruṇiko lokahito lokānukampako lokatthacaro no vata re vattabbe natthi buddhassa bhagavato karuṇāti.

Natthi buddhassa bhagavato karuṇāti . āmantā . nanu bhagavā mahākaruṇāsamāpattiṃ samāpajjīti . āmantā . hañci bhagavā mahākaruṇāsamāpattiṃ samāpajji no vata re vattabbe natthi buddhassa bhagavato karuṇāti.

Atthi buddhassa bhagavato karuṇāti . āmantā . Bhagavā sarāgoti . na hevaṃ vattabbe .pe. tena hi natthi buddhassa bhagavato karuṇāti. Karuṇākathā. ---------