สังสัฏฐวาร

Ācayagāmiṃ dhammaṃ saṃsaṭṭho ācayagāmi dhammo uppajjati hetupaccayā ācayagāmiṃ ekaṃ khandhaṃ saṃsaṭṭhā tayo khandhā dve khandhe saṃsaṭṭhā.

Apacayagāmiṃ dhammaṃ saṃsaṭṭho apacayagāmi dhammo uppajjati hetupaccayā apacayagāmiṃ ekaṃ khandhaṃ saṃsaṭṭhā tayo khandhā dve khandhe ....

Nevācayagāmināpacayagāmiṃ dhammaṃ saṃsaṭṭho nevācayagāmi- nāpacayagāmi dhammo ... nevācayagāmināpacayagāmiṃ ekaṃ khandhaṃ saṃsaṭṭhā tayo khandhā dve khandhe ... Paṭisandhikkhaṇe ....

Ācayagāmiṃ dhammaṃ saṃsaṭṭho ācayagāmi dhammo uppajjati ārammaṇapaccayā adhipatipaccayā anantarapaccayā samanantarapaccayā sahajātapaccayā aññamaññapaccayā nissayapaccayā upanissayapaccayā purejātapaccayā āsevanapaccayā kammapaccayā vipākapaccayā āhārapaccayā indriyapaccayā jhānapaccayā maggapaccayā sampayuttapaccayā vippayuttapaccayā atthipaccayā natthipaccayā vigatapaccayā avigatapaccayā.

Hetuyā tīṇi ārammaṇe adhipatiyā anantare samanantare sahajāte aññamaññe nissaye upanissaye purejāte āsevane kamme sabbattha tīṇi . vipāke ekaṃ āhāre tīṇi indriye jhāne magge sampayutte vippayutte atthiyā natthiyā vigate avigate tīṇi. Evaṃ gaṇetabbaṃ. Anulomaṃ.

Ācayagāmiṃ dhammaṃ saṃsaṭṭho ācayagāmi dhammo uppajjati nahetupaccayā vicikicchāsahagate uddhaccasahagate khandhe saṃsaṭṭho vicikicchāsahagato uddhaccasahagato moho.

Nevācayagāmināpacayagāmiṃ dhammaṃ saṃsaṭṭho Nevācayagāmināpacayagāmi dhammo ... Nahetupaccayā ahetukaṃ nevācayagāmi- nāpacayagāmiṃ ekaṃ khandhaṃ saṃsaṭṭhā tayo khandhā dve khandhe ... Ahetukapaṭisandhikkhaṇe ....

Ācayagāmiṃ dhammaṃ saṃsaṭṭho ācayagāmi dhammo ... Naadhipatipaccayā napurejātapaccayā napacchājātapaccayā naāsevanapaccayā ācayagāmiṃ ekaṃ khandhaṃ saṃsaṭṭhā tayo khandhā dve khandhe ....

Nevācayagāmināpacayagāmiṃ dhammaṃ saṃsaṭṭho nevācayagāmi- nāpacayagāmi dhammo ... naāsevanapaccayā nevācayagāmināpacayagāmiṃ ekaṃ khandhaṃ saṃsaṭṭhā paṭisandhikkhaṇe ... nakammapaccayā navipākapaccayā najhānapaccayā namaggapaccayā navippayuttapaccayā.

Nahetuyā dve naadhipatiyā tīṇi napurejāte tīṇi napacchājāte tīṇi naāsevane dve nakamme tīṇi navipāke tīṇi najhāne ekaṃ namagge ekaṃ navippayutte tīṇi. Evaṃ gaṇetabbaṃ. Paccanīyaṃ.

Hetupaccayā naadhipatiyā tīṇi ... napurejāte tīṇi napacchājāte tīṇi naāsevane dve nakamme tīṇi navipāke tīṇi navippayutte tīṇi. Evaṃ gaṇetabbaṃ. Anulomapaccanīyaṃ.

Nahetupaccayā ārammaṇe dve ... Anantare samanantare sahajāte aññamaññe nissaye upanissaye purejāte āsevane Kamme sabbattha dve . vipāke ekaṃ āhāre dve indriye dve jhāne dve magge ekaṃ sampayutte dve vippayutte atthiyā natthiyā vigate avigate dve. Evaṃ gaṇetabbaṃ. Paccanīyānulomaṃ. Saṃsaṭṭhavāro. Sampayuttavāro saṃsaṭṭhavārasadiso.