กุสลัตติกสอุตตรทุกะ

กุสลํ สอุตฺตรํ ธมฺมํ ปฏิจฺจ กุสโล สอุตฺตโร ธมฺโม อุปฺปชฺชติ เหตุปจฺจยา: ตีณิ ฯ อกุสลํ สอุตฺตรํ ธมฺมํ ปฏิจฺจ อกุสโล สอุตฺตโร ธมฺโม อุปฺปชฺชติ เหตุปจฺจยา: ตีณิ ฯ อพฺยากตํ สอุตฺตรํ ธมฺมํ ปฏิจฺจ อพฺยากโต สอุตฺตโร ธมฺโม อุปฺปชฺชติ เหตุปจฺจยา: ฯ

เหตุยา นว อารมฺมเณ ตีณิ อวิคเต นว ฯ สหชาตวาโรปิ สมฺปยุตฺตวาโรปิ ปฏิจฺจวารสทิสา ฯ

กุสโล สอุตฺตโร ธมฺโม กุสลสฺส สอุตฺตรสฺส ธมฺมสฺส เหตุปจฺจเยน ปจฺจโย: ตีณิ ฯ อกุสโล สอุตฺตโร ธมฺโม อกุสลสฺส สอุตฺตรสฺส ธมฺมสฺส เหตุปจฺจเยน ปจฺจโย: ตีณิ ฯ อพฺยากโต สอุตฺตโร ธมฺโม อพฺยากตสฺส สอุตฺตรสฺส ธมฺมสฺส เหตุปจฺจเยน ปจฺจโย: ฯ

เหตุยา สตฺต อารมฺมเณ นว อธิปติยา นว อวิคเต เตรส ฯ

กุสลํ อนุตฺตรํ ธมฺมํ ปฏิจฺจ กุสโล อนุตฺตโร ธมฺโม อุปฺปชฺชติ เหตุปจฺจยา: ฯ อพฺยากตํ อนุตฺตรํ ธมฺมํ ปฏิจฺจ อพฺยากโต อนุตฺตโร ธมฺโม อุปฺปชฺชติ เหตุปจฺจยา: ฯ

เหตุยา เทฺว อารมฺมเณ เทฺว อวิคเต เทฺว ฯ สหชาตวาโรปิ สมฺปยุตฺตวาโรปิ ปฏิจฺจวารสทิสา ฯ

กุสโล อนุตฺตโร ธมฺโม กุสลสฺส อนุตฺตรสฺส ธมฺมสฺส เหตุปจฺจเยน ปจฺจโย: ฯ อพฺยากโต อนุตฺตโร ธมฺโม อพฺยากตสฺส อนุตฺตรสฺส ธมฺมสฺส เหตุปจฺจเยน ปจฺจโย: ฯ

อพฺยากโต อนุตฺตโร ธมฺโม อพฺยากตสฺส อนุตฺตรสฺส ธมฺมสฺส อารมฺมณปจฺจเยน ปจฺจโย: อพฺยากโต อนุตฺตโร ธมฺโม กุสลสฺส อนุตฺตรสฺส ธมฺมสฺส อารมฺมณปจฺจเยน ปจฺจโย: ฯ

เหตุยา เทฺว อารมฺมเณ เทฺว อธิปติยา ตีณิ อนนฺตเร เทฺว อวิคเต เทฺว ฯ ยถา กุสลตฺติเก ปญฺหาวารมฺปิ เอวํ วิตฺถาเรตพฺพํ ฯ กุสลตฺติกสอุตฺตรทุกํ นิฏฺฐิตํ ฯ _______________ กุสลตฺติกสรณทุกํ